නෙවිල් ප්‍රනාන්දු රෝහල රජයට පවරා ගැනෙයි

Share Button

මාලබේ නෙවිල් ප්‍රනාන්දු රෝහල රජයට පවරා ගැනීමේ කටයුතු අද (17) පෙරවරුවේ ජනපති මෛත්‍රිපාල සිරිසේන මහතාගේ ප්‍රධානත්වයෙන් එම රෝහලේ දී සිදු කෙරිණි.

නෙවිල් ප්‍රනාන්දු රෝහලේ හිමිකරු වෛද්‍ය නෙවිල් ප්‍රනාන්දු මහතා සහ සෞඛ්‍ය අමාත්‍යංශය වෙනුවෙන් එහි ලේකම් ජනක සුගතදාස යන මහත්වරු අවබෝධතා ගිවිසුමකට අත්සන් කළ අතර එම රෝහලේ ණය ගනුදෙනු සම්බන්ධයෙන් ලංකා බැංකුව ද අදාළ ගිවිසුමට අත්සන් තැබීය.

ඒ අනුව අද සිට නෙවිල් ප්‍රනාන්දු රෝහල රජයේ ශික්ෂණ රෝහලක් ලෙස පවත්වාගෙන යනු ලබන අතර ඒ සඳහා ලබාගෙන තිබූ ණය මුදල් වෛද්‍ය නෙවිල් ප්‍රනාන්දු මහතා විසින් සුපුරුදු පරිදි වාරික ලෙස ගෙවාගෙන යනු ලබන බව ද කියා සිටියේය.

සෞඛ්‍ය ඇමැති රාජිත සේනාරත්න, උසස් අධ්‍යාපන හා මහාමාර්ග ඇමැති ලක්ෂ්මන් කිරිඇල්ල ඇතුළු පිරිසක් එම අවස්ථාවට එක්ව සිටියහ.

Share Button

ප්‍රතිචාරයක් ලබාදෙන්න

ඔබගේ ඊමේල් ලිපිනය ප්‍රසිද්ධ කරන්නේ නැත. අත්‍යාවශ්‍යයය ක්ෂේත්‍ර සලකුණු කොට ඇත *