Tue. Jan 25th, 2022
Share Button

තෙල් හිඟයක් ඇතිවන බවට විපක්ෂය සහ විපක්ෂය විසින් නටවන වෘත්තීය සමිතිත් ගෙන යන ප්‍රචාරය සම්පූර්ණ අසත්‍ය බව බලශක්ති අමාත්‍ය උදය ගම්මන්පිල මහතා පැවසුවා.

අද (21) මාධ්‍ය වෙත ප්‍රකාශයක් ලබදෙමිනුයි අමාත්‍යවරයා මේ බව සඳහන් කළේ.

ඉන්දියානු විදේශ ලේකම්වරයා සමඟ ත්‍රිකුණාමලය තෙල් ටැංකි බලන්න යන විට එම තෙල් ටැංකි ඉන්දියාවට විකිණීමට ගිවිසුම අත්සන කරන බවටත් එමෙන්ම ඔක්තෝම්බර් 06 පාර්ලිමේන්තුවට ඉදිරිපත් කළ පනතෙන් තෙල් සංස්ථාව පෞද්ගලිකරණය කිරීමට සැරසෙන බවට කළ අසත්‍ය ප්‍රචාර අතරට තෙල් හිඟයක් ඇති බවට වන බොරුවද දැන් එකතු කර තිබෙන බව අමාත්‍යවරයා පැවසුවා.

ජනවාරි මාසය වන තෙක් අඛණ්ඩව තෙල් සැපයුම සහතික කර ඇති බවද ගම්මන්පිල අමත්‍යවරයා සඳහන් කළා.

”ජනතාව මත පීඩනයක් නොපවටමින් කටයුතු කරන්නයි අපි උත්සහ කරන්නේ. නුදුරු අනාගතයේ ඉන්ධන මිල වැඩි කිරීමේ අපේක්ෂාවක් නැහැ.

ඉතා පැහැදිලිවම කියල තියෙනවා ඉන්ධන හිඟයක් ඇතිවෙනවා නම් කටකතාකරුවන්ට පෙර මම තමයි ඇවිල්ලා ඒ ගැන කියන්නේ.

රටේ විදේශ විනිමය අර්බුදයක් තියෙනවා කියල මුලින්ම කිව්වේ මම.

තෙල් මිල වැඩිකරන්න කලින් මිල වැඩිකරනවා කියල ජනතාව ඉදිරියට ඇවිත් කියපු පළමු ඇමතිවරයාත් මම.

ඒ නිසා ජනතාවට මගේ පැවැත්ම හරහා විශ්වාසයක් ගොඩනැගී තියෙන්නේ ඕනේ තෙල් මිල වැඩිවෙනවා නම් ඇමතිවරයා ඒ ගැන කලින් කියාවි,තෙල් හිඟයක ඇතිවෙනවා නම් ඇමතිවරයා ඒ ගැන කලින් කියාවි කියල.

තෙල් මිල වැඩිකරන්න මගේ කිසිම බලාපොරොත්තුවක් නැහැ.

මිල වැඩිකර නොගැනීමට තමයි භාණ්ඩාගාරයෙන් සහනයක් ඉල්ලලා තියෙන්නේ.”

Share Button

Leave a Reply

Your email address will not be published. Required fields are marked *