පාස්කු කොමිසමේ සාක්ෂි සටහන් කරගැනීම අවසන්

Share Button

පාස්කු ඉරුදින ත්‍රස්ත ප්‍රහාරය පිළිබඳ විමර්ශනය කරන ජනාධිපති විමර්ශන කොමිසම සාක්ෂිකරුවන්ගෙන් සාක්ෂි සටහන් කරගැනීම අවසන් කර තිබේ.

ඒ අනුව ඊයේ (19) දිනයේ සාක්ෂි ලබාගැනීමේ කටයුතු අවසන් කළ බව කොමිසන් සභා ආරංචි මාර්ග සඳහන් කළේය.

කෙසේවෙතත් අදාළ ප්‍රහාරය එල්ල වන අවස්ථාවේ දී අපරාධ පරීක්ෂණ දෙපාර්තමේන්තුවේ අධ්‍යක්ෂවරයාව කටයුතු කළ ශානී අබේසේකර මහතා ඊයේ දිනයේ සාක්ෂි ලබාදීම සඳහා පැමිණීමට නියමිතව තිබුණ ද ඔහු එම අවස්ථාවට සහභාගී නොවීය.

ඒ අනුව අධ්‍යක්ෂවරයාගේ සාක්ෂි ලබාදීම මේ දක්වාත් අවිනිශ්චිත තත්ත්වයක් පවතී.

ඉදිරි දින කිහිපයේ දී හිටපු අධ්‍යක්ෂවරයා සාක්ෂි ලබාදෙනු ඇති බව කොමිෂන් සභා ආරංචි මාර්ග සඳහන් කළේය.

මේ අතර ඊයේ දිනයේ දී පාස්කු ඉරුදින ත්‍රස්ත ප්‍රහාරය සම්බන්ධයෙන් විමර්ශනය කරන ජනාධිපති විමර්ශන කොමිසම හමුවේ සහරාන් හෂීම් සමග සබඳතා පැවැත්වූ උමීර් මොහොමඩ් නැමැත්තා සාක්ෂි ලබාදෙනු ලැබීය.

මේ වන විට රැඳවුම් නියෝග මත පසුවන ඔහුගේ සාක්ෂි විමසීම මාධ්‍යයට විවෘත නොවීය.

Share Button

ප්‍රතිචාරයක් ලබාදෙන්න

ඔබගේ ඊමේල් ලිපිනය ප්‍රසිද්ධ කරන්නේ නැත. අත්‍යාවශ්‍යයය ක්ෂේත්‍ර සලකුණු කොට ඇත *