උතුරු කොරියානු බෝම්බයෙන් භූමිකම්පාවක්

Share Button

උතුරු කොරියාව 06 වැනි වරටත් න්‍යෂ්ටික අත්හදා බැලීමක් කර ඇතැයි ජපානය සහ දකුණු කොරියාව ප්‍රකාශ කරයි.

මේ බව සනාථ කරමින් උතුරු කොරියාව නිවේදනයක් ද නිකුත් කළේය.තමන් න්‍යෂ්ටික අත්හදා බැලීමක් කළ බවත් එය මිසයිලයකට සවි කළ හැකි බවත් එම නිවේදනයේ සඳහන් වෙයි.

විශාල බලයක් සහිත හයිඩ්‍රජන් බෝම්බයක් අත්හදා බැලූ බව ඉන් පැය කිහිපයකට පසු උතුරු කොරියාව නිවේදනය කළේය.

උතුරු කොරියාව මිසයිලය අත්හදා බැලූ ස්ථානය ආසන්නයේ භූමි කම්පාවක් සිදු වූයේ යැයි ජපාන හා දකුණු කොරියානු කාලගුණ බලධාරීහූ සඳහන් කළ අතර එහි ප්‍රබලත්වය රික්ටර් මාපකාංක 6.3ක් යැයි ඇමෙරිකා එක්සත් ජනපද භූවිද්‍යා සමීක්ෂණ ආයතනය ප්‍රකාශ කළේය.

කෘත්‍රීම භූ කම්පනයට හේතුව න්‍යෂ්ටික අත්හදා බැලීම වන අතර එය මීට පෙර න්‍යෂ්ටික අත්හදා බැලීම්වලදී ඇතිවූ භූ කම්පනවලට 9.8 ගුණයකින් වැඩි යැයි ද විශේෂඥයෝ පෙන්වාදෙති.

Share Button

ප්‍රතිචාරයක් ලබාදෙන්න

ඔබගේ ඊමේල් ලිපිනය ප්‍රසිද්ධ කරන්නේ නැත. අත්‍යාවශ්‍යයය ක්ෂේත්‍ර සලකුණු කොට ඇත *